Iktar ma bdiet tikber il-Parroċċa beda dejjem aktar jinħass il-bżonn ta’ Uffiċċju Parrokjali.
Grazzi għal bosta benefatturi mill-Parroċċa tagħna u għall-familjari tal-Kan. Dun Karm Busuttil din il-ħolma saret realta’ 2015.
FUNDATUR U T-TIENI KAPPILLAN
Wara li Dun Gordon Refalo temm il-ħidma pastorali tiegħu fil-Parroċċa tas-Swatar sabiex ikompli jaqdi fil-Parroċċa ta’ Sant’ Andrja, Hal Luqa, il-Kan. Dun Karm Busuttil ġie magħżul bħala it-tieni kappillan tal-Parroċċa tas-Swatar fl- 2012.
MINN ŻONA SSIR PARROĊĊA DDEDIKATA
Nhar is-Sibt 8 ta’ Novembru 2008 Mons. Arċisqof Emeritu Pawlu Cremona OP waqqaf iż-żona tas-Swatar bħala Parroċċa ddedikata lil San Ġorħ Preca. Dak inhar giet imbierka l-knisja u Dun Gordon Refalo inħatar l-ewwel kappillan ta’ din il-Parroċċa.
RETTUR ĠDID – ŻONA AWTONOMA
F’April tal-2005, Mons. Arċisqof Ġużeppi Mercieca ħatar lil Dun Gordon Refalo bħala rettur ġdid tal-knisja tas-Swatar. Fit-3 ta’ Diċembru 2006, is-Swatar inqatgħet mill-Parroċċa ta’ Sant’Elena u b’hekk saret żona indipendenti. Twaqqaf il-kunsill Pastorali Parrokkjali biex jgħin lis-saċerdoti fil-ħidma taż-żona. Bdew isiru l-Magħmudijiet, l-Ewwel Tqarbina, l-Griżma tal-Isqof u anke l-funerali. Fis-Sena 2006 saru għall-ewwel darba l-purċissjoni tad-Duluri u ta’ Corpus Christi.
IL-BINI TAL-KNISJA ATTWALI
Fis-sena 2004 tlesta l-bini kollu u l-knisja bdiet tintuża. Il-ħidma pastorali kienet f’idejn il-Kan. Dun Karm Busuttil, li kien ir-rettur u kellu wkoll miegħu lil Mons. Tarcisio Delicata. Minn dak inhar il-ħidma pastorali baqgħet dejjem tikber mod speċjali maż-żgħażagħ u t-tfal.
IL-BINI TAS-SALA PARROKKJALI
Il-bini beda fl-1998 u fis-sena 2000 tlesta x-xogħol. Fl-2002 tlestiet is-sala t’isfel li bdiet tintuża kuljum għall-quddiesa.
